Արդշինինվեստբանկի մատուցած բոլոր ծառայությունների պայմանները և սակագները կարող են փոփոխվել:
Արդշինինվեստբանկի ծառայությունների, գործող սակագների և նախատեսվող փոփոխությունների մասին ամբողջական և ավելի մանրամասն տեղեկություններ ստանալու համար կարող եք դիմել Բանկի ցանկացած գրասենյակ/մասնաճյուղ կամ այցելել Բանկի ինտերնետային կայքը՝ ardshininvestbank.am:
Բոլոր տեսակի վճարները գանձվում են ՀՀ դրամով:
Որպես կանոն` սակագներով նախատեսված վճարները
Բանկի կողմից գանձվում են այն բանկային հաշվից, որով կատարվում է
համապատասխան գործառնությունը:
Ընդ որում, արտարժութային բանկային
հաշվից գանձվելու դեպքում` Բանկն իրավունք ունի գանձվելիք գումարի համարժեք
արտարժույթը փոխարկել ՀՀ դրամի` կիրառելով Բանկի կողմից այդ արժույթի
համար սահմանված առքի փոխարժեքը:
Բացառություն են կազմում Բանկի կողմից
ինքնաշխատ (ավտոմատ) կերպով և սահմանված պարբերականությամբ գանձվող
սպասարկման վճարները, որոնց դեպքում կիրառվում է այդ արժույթի համար տվյալ
օրվա ՀՀ կենտրոնական բանկի կողմից հրապարակված միջին փոխարժեքը:
Արտարժութային գործարքների նկատմամբ կիրառվող տոկոսային միջնորդավճարները ՀՀ դրամով արտահայտելու համար կիրառվում է այդ արժույթի համար տվյալ օրվա ՀՀ կենտրոնական բանկի կողմից հրապարակված միջին փոխարժեքը:
Հատուկ առաջարկների շրջանակներում, որոնք նախատեսված են Բանկի աշխատավարձային հաճախորդների համար, Բանկն իր հայեցողությամբ կարող է կիրառել զեղչեր «Ծառայությունների սակագներով» նախատեսված վճարների նկատմամբ կամ ընդհանրապես չկիրառել համապատասխան վճարները:
