2022թ. նոյեմբերի 2-ին ԱՄՆ ֆեդերալ ռեզերվի տոկոսադրույքի միջակայքը բարձրացվել է 0.75 տոկոսային կետով` սահմանվելով տարեկան 3.75% - 4%: Այսպիսով՝ Բանկի՝ ԱՄՆ դոլարով հաշվարկային տոկոսադրույքի վերջին վերանայումից հետո` 27 մարտ 2018թ., ԱՄՆ ֆեդերալ ռեզերվի տոկոսադրույքը աճել է գումարային 2 տոկոսային կետով, ինչը հիմք է հանդիսանում Բանկի՝ ԱՄՆ դոլարով հաշվարկային տոկոսադրույքի վերանայման համար։

Զուգահեռաբար իրականացվող շուկայական տոկոսադրույքների վերլուծության արդյունքները վկայում են, որ ՀՀ շուկայում արդեն իսկ նկատվում է ԱՄՆ դոլարով տոկոսադրույքների աճի միտում, սակայն պայմանավորված ֆինանսական և աշխատուժի ներհոսքի, ինչպես նաև վարկավորման արձանագրված տեմպերով, ԱՄՆ ֆեդերալ ռեզերվի տոկոսադրույքի աճը դեռևս համարժեք կերպով չի ազդել ՀՀ տնտեսությունում ԱՄՆ դոլարով տոկոսադրույքների վրա։ 

Հաշվի առնելով վերոգրյալը և նպատակ ունենալով արձագանքել միջազգային և տեղական շուկայում արձանագրված միտումներին` Բանկը որոշում է կայացրել բարձրացնել ԱՄՆ դոլարով հաշվարկային տոկոսադրույքի տարր կազմող ԱՄՆ ֆեդերալ ռեզերվի տոկոսադրույքի բաղադրիչի արժեքը` սահմանելով այն 4.0%, միևնույն ժամանակ, նվազեցնել ֆիքսված մարժայի բաղադրիչը` 7.75%-ից դարձնելով 5.75%: Այսպիսով, ԱՄՆ դոլարով հաշվարկային տոկոսադրույքի բաղադրիչների վերանայման արդյունքում 0.5 տոկոսային կետով բարձրացվել է ԱՄՆ դոլարով հաշվարկային տոկոսադրույքի արժեքը` 9.25%-ից դառնալով 9.75%:

Եվրոյով հաշվարկային տոկոսադրույքը հավասար է Եվրոպական կենտրոնական բանկի կողմից սահմանվող վերաֆինանսավորման տոկոսադրույքին գումարած ֆիքսված մարժա: Եվրոպական կենտրոնական բանկի կողմից սահմանվող վերաֆինանսավորման տոկոսադրույքը մշտապես հրապարակվում է Եվրոպական կենտրոնական բանկի ինտերնետային էջում`

http://www.ecb.europa.eu/stats/monetary/rates/html/index.en.htmlhttp://www.ecb.europa.eu/stats/monetary/rates/html/index.en.html Այս հղումը կբացվի նոր պատուհանում

Բանկի կողմից եվրոյով հաշվարկային տոկոսադրույքի վերջին վերանայման օրվանից սկսած Եվրոպական կենտրոնական բանկի կողմից սահմանվող վերաֆինանսավորման տոկոսադրույքի 200 բազիսային (2 տոկոսային կետով) կետով տատանման (բարձրացման կամ նվազման) դեպքում Բանկն իրավունք ունի փոփոխել Եվրոյով հաշվարկային տոկոսադրույքը: Եվրոպական կենտրոնական բանկի կողմից սահմանվող վերաֆինանսավորման տոկոսադրույքին գումարվող ֆիքսված մարժան կարող է ցանկացած ժամանակ փոփոխվել Բանկի հայեցողությամբ` տեղական կամ միջազգային շուկայի փոփոխություններն արտացոլելու նպատակով:

Եվրոյով հաշվարկային տոկոսադրույքի վերանայման ամսաթիվ՝ 29 սեպտեմբեր, 2023թ․:

Ուժի մեջ մտնելու ամսաթիվ՝ 11 դեկտեմբեր, 2023թ.:

2023թ. սեպտեմբերի 20-ին Եվրոպական կենտրոնական բանկի (այսուհետ՝ ԵԿԲ) կողմից սահմանվող վերաֆինանսավորման տոկոսադրույքը բարձրացվել է 0.50 տոկոսային կետով՝ դառնալով տարեկան 4.50%: Այսպիսով, Բանկի՝ եվրոյով հաշվարկային տոկոսադրույքի վերջին վերանայումից հետո (30 դեկտեմբեր 2022թ.) ԵԿԲ-ի կողմից սահմանվող վերաֆինանսավորման տոկոսադրույքը աճել է գումարային 2 տոկոսային կետով, ինչը հիմք է հանդիսանում Բանկի՝ եվրոյով հաշվարկային տոկոսադրույքի վերանայման համար։

Զուգահեռաբար իրականացվող շուկայական տոկոսադրույքների վերլուծության արդյունքները վկայում են, որ Բանկի՝ եվրոյով հաշվարկային տոկոսադրույքի վերջին վերանայումից հետո ՀՀ շուկայում եվրոյով տոկոսադրույքների աճի միտումը շարունակվել է, սակայն ոչ ԵԿԲ-ի վերաֆինանսավորման տոկոսադրույքի աճին համարժեք չափով։

Հաշվի առնելով վերոգրյալը և նպատակ ունենալով արձագանքել միջազգային շուկայում արձանագրված տոկոսադրույքների աճին` Բանկը որոշում է կայացրել համապատասխանաբար սահմանել եվրոյով հաշվարկային տոկոսադրույքի տարր հանդիսացող ԵԿԲ-ի վերաֆինանսավորման տոկոսադրույքի բաղադրիչի արժեքը 4.50%: Միևնույն ժամանակ, հաշվի առնելով, որ ՀՀ շուկայում արձանագրված տոկոսադրույքների աճը համահունչ չէ ԵԿԲ-ի վերաֆինանսավորման տոկոսադրույքի աճին` Բանկը որոշել է նվազեցնել մյուս բաղադրիչի՝ ֆիքսված մարժայի արժեքը` սահմանելով այն 4.50% :

Արդյունքում, եվրոյով հաշվարկային տոկոսադրույքի վերանայման հետևանքով 0.50 տոկոսային կետով բարձրացվել է եվրոյով հաշվարկային տոկոսադրույքի արժեքը` 8.50%-ից դառնալով 9.00%: